Kuwa kane tariki ya 15 Gicurasi 2013, abaguzi b’ikawa b’Abayapani ba sosiyete yitwa ZENSHO basuye ibikorwa bateye inkunga mu kagali ka Cyingwa, umurenge wa Gitambi mu karere ka Rusizi birimo umuyoboro w’amazi wa 3 Km hamwe n’ibyumba by’amashuri bibiri, ibiro by’umuyobozi w’amashuri abanza ya Kaboza ndetse n’ubwiherero, hakazongerwaho n’amashanyarazi aturuka ku mirasire y’izuba azabafasha gukoresha muri izo nyubako. Ibi bikorwa byakozwe ku bufatanye bwabo n’uruganda rutonora kawa rwa Cyingwa (Cyingwa CWS) rwa koperative TUZAMURANE ifatanyije n’umushoramari Munyura Pierre, umuyobozi mukuru wa MICOF Ltd.

Kuva mu mwaka wa 2011, ZENSHO ifite ama resitora menshi mu Buyapani yatangiye kugura ikawa za Cyingwa CWS ikazigurisha ku baguzi babagana mu ma resitora yabo. Nkuko Hideyuki Inagawa userukira ZENSHO yabitangaje, abagana resitora zabo bishimira cyane uburyohe bwa kawa ya Cyingwa, bakaba bijeje abaturage ba Cyingwa ko bazakomeza kugura ikawa yabo, kandi ko kuri buri kilo cy’ikawa bagurira Cyingwa CWS, bazajya bateganya amafranga yo gukora imishinga ifitiye abaturage akamaro (social premium). Ni muri urwo rwego bishimiye cyane ibikorwa basuye bimaze kugerwaho hakoreshejwe amafranga yavuye mw’ikawa baguze mu myaka ya 2011 na 2012.

Abari aho, barimo umukozi ushinzwe uburezi mu karere waserukiye Mayor w’akarere ka Rusizi na Madamu Niwemugeni Marie Claire, umunyamabanga shingwabikorwa w’umurenge wa Gitambi ndetse na Bwana Ndayishimiye Noheli, umuyobozi w’amashuri abanza ya Kaboza  bashimye ibikorwa by’indashyikirwa abaturage ba Cyingwa bamaze kugeraho ku bufatanye bwabo na Cyingwa CWS hamwe n’abafatanyabikorwa babo.

Muri ibyo bikorwa batewemo inkunga kandi Hakaba harimo  ibyumba bitatu by’amashuli byubatswe ku bufatanye bwa Cyingwa CWS na ONG y’abanyamerika bakora muri Microsoft i Seattle muri Leta z’unze Ubumwe z’Amerika yitwa Dream Fly. Hakaba ndetse n’inkunga iterwa kandi izakomeza guterwa abana b’abahanga (scholarship) bo mumashuli abanza ya Kaboza batsindira kujya mu mashuli yisumbuye. Bashimye kandi MICOF Ltd yahuguye abasore n’inkumi bagera kuri Magana atatu mu gukora neza umurimo (Work Readiness Curriculum) ku bufatanye bwabo na EDC/ Akazi Kanoze iterwa inkunga n’Abanyamerika.

Nzagirante Fiacre, Perezida wa Koperative Tuzamurane n’umushoramari Munyura Pierre nabo bashimye ubufatanye bwiza bafitanye n’ubuyobozi ndetse n’abaturage ba Cyingwa, babizeza gukomeza gufatanya nabo mu guteza imbere Cyingwa, babasaba ko bafata neza ibikorwa remezo bamaze kugeraho, babasaba kandi by’umwihariko kwita ku gihingwa cya kawa kuko aricyo kibagejeje kuri ibi. Bashimye kandi ubufatanye bwiza bafitanye na ZENSHO, babizeza ko bazakomeza kubatunganyiriza ikawa nziza bakazakomeza kuyishyikiriza abagana ama resitora yabo mu Buyapani.

Umuhango washojwe n’imbyino z’abaturage ba Cyingwa n’imikino y’abana b’amashuli ya Kaboza, bose bishimira ibyagezweho n’abafatanyabikorwa bose.

The post RUSIZI: Abaguzi b’ikawa b’aBayapani basuye ibikorwa bateye inkunga appeared first on The Pleader.

Red Cross administrators together with the members during the event

Former Red Cross beneficiaries on May12th 2013 handed goats to the 32 households of Bunyogombe cell, Ruhango sector in Ruhango district.

The former beneficiaries donated to other poor families in order to show Red Cross their role in striving for self-reliance and returning the favour through humanitarian deeds.

During the event, Gerald Nyagasaza like other beneficiaries said that goats will provide manure for their crops and yields increase in result.

In his speech, the executive secretary of Bunyogombe cell, Gerald Ndikumukiza commended different organizations such as Red Cross for improving residents’ standards of living.

The executive secretary asks all residents to help poor residents achieve social development.

Samson Nkiko, in charge of training in Red Cross Rwanda thanked former beneficiaries for the good act of giving livestock to their neighbors so that they develop.

Nkiko asserted: “We are not happy because we donated goats, we are happy because the beneficiaries have imitated our act and given the goats to their neighbors. This is a good culture that should be adopted by all Rwandans.”

Nkiko advised the beneficiaries to take good care of the goats and develop than waiting for more help.

The post Ruhango: Red Cross Rwanda beneficiaries donate to 32 poor families appeared first on The Pleader.

Ubuyobozi bwa Croix Rouge buvuga ko imyaka 50 imaze igeze mu Rwanda igendera ku nkunga, ibi bikavuga ko inkunga zihagaze nayo itakongera gukora mu kandi ibikorwa byabo bifitiye akamaro benshi.

Dushime Derricks umuyobozi wa Croix Rouge mu karere ka Rubavu avuga ko kugendera ku nkunga bikwiye guhagarara hakarebwa ubundi buryo uyu muryango wagira ubushobozi bwo gukomeza gufasha imbabare, bikaba aribyo bikorwa byaranzwe n’icyumweru cyo kwizihiza isabukuru birimo kubakira abatishoboye.

Akarere ka Rubavu kakaba gashimira umuryango utabara imbabare Croix Rouge ibikorwa byo gutabara abahungabanyijwe n’ibiza muri aka karere, aho benshi banimuwe bakajyanwa gutuzwa ahandi. Umuryango Croix Rouge ukaba utarahagaritse gufasha abahungabanyijwe n’ibiza kuko n’ abimuwe hari abatishoboye uyu muryango wubakiye.

Dushime Derricks umuyobozi wa Croix Rouge mu karere ka Rubavu asanga kuba uyu muryango ugendera ku nkunga udashobora gukora ibikorwa byawo uko bikwiye kuko ugendera kubushobozi ugenerwa ariko ufite aho ukura ubushobozi wakora byinshi bituma abo ugeraho babaho neza.

Mu mpera z’umwaka wa 2012 ukaba washoboye kubakira imiryango 20 y’abatujwe Kanembwe ariko hakaba harasigaye abandi benshi batarubakirwa kandi babayeho nabi, kuburyo iyo haboneka ubushobozi bari kuba barubakiwe bose.

The post Croix Rouge nyuma y’imyaka 50 iratekereza kudashingira ku nkunga appeared first on The Pleader.

Imiryango 32 yo mukagari ka Bunyogombe mu murenge wa Ruhango, akarere ka Ruhango, yari yarorojwe ihene n’umuryango mpuzamahanga Croix Rouge nayo yazituriye abaturanyi babo bagera kuri 32 tariki ya 12/05/2013.

Ibi iyi miryango ikaba yarabikoze, mu rwego rwo kugirango igaragarize abagiraneza babahaye izi hene ko nabo bashoboye guharanira kwigira ndetse no kugirango bakomeza kubiba umutima mwiza bagaragarijwe.

Abayobozi ba Croix Rouge basura bimwe mu bikorwa by’abanyamuryango

Umwe mu bahawe ihene ni Nyagasaza Gerald, yavuze ko ashimishijwe no kuba agabiwe ihene kuko ngo nta na rimwe yari yarigeze abona itungo.

Kimwe na bagenzi be, ngo izi hene zigiye kubafasha kubona ifumbire beze imyaka itandukanye bityo ubuzima bwabo burusheho gutera imbere.

Ndikumukiza Gerald umunyamabanga nshingwabikorwa w’akagari ka Bunyogombe mu murenge wa Ruhango, yavuze ko ibikorwa nk’ibi bikorwa n’imiryango itandukanye yita ku baturage, abayobozi ngo birabashimisha kuko iyo umuturage ateye imbere abayobozi nabo birabanezeza.

Akaba asaba n’abandi bose bagifite umutima wo gufasha, ko bakomeza kwegera abaturage bakiri inyuma y’iterambere kubafasha nabo bakazamukana nk’abandi.

Uyu muyobozi akaba yasabye abahawe izi hene gukomeza guharanira kwigira bakorora neza amatungo bahawe nabo bakazaziturira abandi.

Nkiko Samson ushinzwe amahugurwa Croix Rouge y’ Rwanda, yashimiye cyane abantu bazituriye bagenzi babo.

Yagize ati “rwose ntidushimishijwe n’uko twatanze ihane, ahubwo ikidushimishije n’uko abo duhaye nabo bagera ikirenge mucyacu bagabira abaturanyi babo, uyu niwo muco nyawo ukwiye kuturanga nk’abanyarwanda koko”

Nkiko yasabye abatanze ihene n’abazihawe, kumva ko batagomba kuzahora bategereje inkunga z’abagiraneza, ahubwo ko bagomba guharanira kwigira. Ibi akaba yabivize ashingiye ku ngero z’abo baha amatungo bakayagurisha bavuga ko bazongera bagafashwa.

The post Ruhango: imiryango 32 yaremewe na Croix Rouge yazituriye abaturanyi appeared first on The Pleader.

Kigarama village in Rugarika sector is one of the villages in Kamonyi district with five South Korean Volunteers residents that help local leaders in showing local people how to work and attain development.

Since 2009, the Koreans became residents of Kigarama village; they have trained people in productive projects.

Jais-Ho Park popularly known as Thomas the chairperson of volunteers in Kigarama village says they taught people about mushroom growing, tailoring, making the economical charcoal stoves called ‘Rondereza’ and many other things.

Some of the women who learnt tailoring from these volunteers now in a tailoring cooperative for tailoring say they are grateful for the support and funds of the Korean volunteers.

Flavia Musengimana the representatives of the tailors cooperative says they spent the whole of 2011 learning tailoring as 35 women residents of Kigarama village. The Korean volunteers helped them in getting the tools required and teachers. Even after training, the Koreans provided these women with tailoring machines and the house to operate in.

These women in the tailoring cooperative say the Korean volunteers are always ready to support them in their work and advising them. Tailoring gives them a chance to earn a living and to provide for their families as each one of them gets at least Rwf45.000 as monthly payments.

Emmanuel Rukimbira the executive secretary of Rugarika sector says these volunteers came to support local leaders in the development programs in this village which is one of the exemplary villages in the district. This is done through teaching local people how to get to development through the work of their hands.

“The Korean volunteers have taught people to work for development through their strength, learning to respect time, getting financial support where necessary but through their labour” says Rukimbira.

Apart from Kigarama village, the South Korean volunteers reside and develop other villages like Gihogwe village in Musambira sector and Mushimba village in Gacurabwenge sector.

The Korean volunteers do developmental projects in these villages by investing in what people need like farming, schools, hospitals and other infrastructures.

The post Kamonyi: South Korea volunteers proud to work with Rwandans for development appeared first on The Pleader.

Ubushakashatsi bwakozwe n’umushinga FVA (Faith Victory Association) bugaragaza ko politiki yo guhagarika ubwandu bushya bwa virusi itera SIDA ifite imbogamizi ikomeye y’abakora umwuga w’uburaya kuko bahitamo kwandura cyangwa se kwanduza SIDA abaje babagana baba bifuza kwishyura amafaranga menshi ariko ntibakoreshe agakingirizo.

Uwo mushinga ukora muri gahunda zo kurwanya icyorezo cya SIDA ariko cyane cyane ukaba wibanda ku bantu bakora umwuga w’uburaya . Impamvu ari bo bibandaho ni uko ngo ari bo baba bafite ibyago byinshi byo kwandura cyangwa kwanduza SIDA kuko  umubare munini w’abantu bandura ubwandu bushya biturutse ku bakora umwuga w’uburaya nk’uko ubwo bushakashatsi bwakozwe bubigaragaza.

Ubwo bushakashatsi bwagaragaje ko hafi 51% by’ubwandu bushya bwa virusi itera SIDA buboneka mu bakora umwuga w’uburaya.

Ni ubushakashatsi bwakozwe ku rwego rw’igihugu bwibanda ku cyiciro cy’abakora umwuga w’uburaya kubera ko baba bafite abantu benshi babagana kandi batandukanye bityo bakaba bashobora kwanduza cyangwa se kwandura SIDA cyane ugereranyije n’ibindi byiciro by’abantu.

Ibyago byo kwandura no kwanduza SIDA byiyongera kuri bene abo bakora umwuga w’uburaya bitewe n’uko umukiriya uje ubagana abenshi muri bo ngo bamwakira uko abyifuza. Hari ababagana bemera gukoresha agakingirizo bakishyura macye, hakaba n’abandi babagana badashaka gukoresha agakingirizo bakishyura menshi.

Kimwe mu bibazo byabajijwe n’abakurikiranaga imurikwa ry’ubwo bushakashatsi ni ukumenya impamvu mu gukora ubwo bushakashatsi babajije abagore gusa kandi uburaya babukorana n’abagabo.

Basubijwe ko impamvu habajijwe abagore gusa ari ukubera ko abakora umwuga w’uburaya baba bafite ahantu baherereye hazwi ari abagore. Umuntu ubakeneye abashakira aho bkorera akababona ariko abagabo bo ngo ntibyoroshye kubabona kubera ko iyo bamaze kubonana n’abagore bicuruza bahita bigendera.

Ubwo bushakashatsi bugaragaza ko abakora umwuga w’uburaya bataba mu mijyi gusa, ahubwo ko no mu cyaro bahari. Igiteye impungenge kandi ngo ni uko ubwandu bushya bwa virusi itera SIDA bwiyongera mu bice by’icyaro kurusha mu mijyi ndetse abakora uburaya mu cyaro bakaba badakunze kwigaragaza ahubwo bakabihisha bityo bakaba bashobora kwanduza abantu benshi.

Abakoze ubwo bushakashatsi barebye impamvu zitera uburaya basanga ku isonga haza ubukene. Indi mpamvu ngo ni ukubera ibibazo u Rwanda rwanyuzemo bituma imfubyi n’abapfakazi batishoboye bashakira ibisubizo mu kwigurisha.

Akarere ka Rutsiro ni kamwe mu turere tumaze kumurikirwamo ibyavuye muri ubwo bushakashatsi. Umukozi ushinzwe gukurikirana ibikorwa byo kurwanya SIDA mu karere ka Rutsiro ndetse no kubihuza, Bazimaziki Jean Bosco asanga igikwiye gukorwa kugira ngo ubwandu bushya buhagarare mu bakora umwuga w’uburaya cyane cyane mu bice by’icyaro, kubera ko bamwe bajyamo bavuga ko babiterwa n’ubukene, ari ukubigisha gukora imirimo ishobora kubabyarira inyungu kuruta uko babona igisubizo mu kwicuruza.

Ati : “Politiki y’igihugu ibateganyiriza ibikorwa bitandukanye birimo kubahugura, kubabumbira mu makoperative, gukora imishinga ibyara inyungu ndetse no kuborohereza kubona inguzanyo.”

Mu karere ka Rutsiro haboneka  gahunda zitandukanye zigamije guhangana n’icyo kibazo cy’ubwandu bushya mu bakora umwuga w’uburaya mu bice by’icyaro. Hari imirenge ine yabaruwemo abakora umwuga w’uburaya, iyo ikaba ari imirenge ya Kivumu, Gihango, Manihira n’umurenge wa Murunda.

Akarere gafatanyije n’imishinga itandukanye bahuguye abahagarariye abakora uburaya bo muri iyo mirenge, barangije bakora ibarura rigaragaza urutonde rw’abandi bafatanya na bo muri uwo mwuga utemewe mu Rwanda bakaba bateganya gukomeza kubashishikariza kuwuvamo no kubashakira ibindi bakora.

The post Guhagarika ubwandu bushya bwa SIDA mu bakora umwuga w’uburaya biracyari ikibazo appeared first on The Pleader.

Abarokotse Jenoside yakorewe abatutsi batishoboye  bo mu murenge wa Mutete bafite ibibazo by’amacumbi bashyikirijwe inkunga na Wolrd Vision yigenjamo imifuka ya sima 300, inka, imyenda n’ibindi byangombwa byo kubafasha mu mibereho yabo ya buri munsi, inkunga bahawe ifite agaciro kangana na miliyoni 8,500.

Uyu muhango ukaba wabanjirijwe no kunamira inzirakarengane zazize Jenoside yakorewe abatusi muri Mata 1994, aho abayobozi bashyize indabo ndetse bakanumira imibiri iruhukiye mu rwibutso rwa Jenoside rwa Mutete.

Madamu uwizeyimana laurence warokotse Jenoside yakorewe abatutsi mu buhamya yatanze akaba yagaragaje inzira igoranye yanyuzemo kugira ngo arokoke.

Ati “ si nari mfite icyizere cyo kongera kubaho nyuma y’uko mbuze umuryango wanjye ndetse n’umugabo  ngasigarana umwana umwe, ariko ubu nkaba nshimira leta y’u Rwanda ku buryo idahwema kudufasha”.

Uhagarariye umuryango IBUKA mu karere ka Gicumbi  Nyirarukundo Emerthe, yashimiye World Vision  ku nkunga yateye abarokotse ndetse asabako yakomeza kubafasha kuko mu karere ka Gicumbi by’umwihariko mu murenge wa Mutete hakigaragara abarokotse Jenoside bagikeneye kwitabwaho.

“ aha niho hishwe abatutsi benshi mu ntara y’amajyaruguru akaba ari naho hakiri ibibazo byinshi byatewe na Jenoside ugereranyije n’ahandi”.

Mu rwego rwo guhangana n’ingaruka zatewe na Jenoside kugirango zikemuke  n’ugukomeza gushaka ibisubizo umunsi ku wundi bahereye ku bikorwa by’ibanze harimo kubabonera amacumbi no kwivuza ndetse n’ibindi nk’uko umuyobozi w’akarere ka Gicumbi Mvuyekure Alexandre yabivuze.

Yagize ati “ haraboneka amazu 176 akeneye gusanwa ndetse n’andi 26 akeneye gusenywa akubakwa kuko ashaje cyane, hakaba hakenewe amafaranga agera kuri miliyoni 300 yo gukemura icyo kibazo, ariko ndashimira cyane abafatanyabikorwa b’akarere bafasha mu gukemura bimwe  mu bibazo bikigaragara”.

Ngo isima yatanzwe ikaba igiye gufasha kubaka amazu yihutirwaga dore ko amwe yari agiye kugwa  mu ibi bihe by’imvura.

Abarokotse Jenoside basabwe kwihangana ukoko imibereho yabo myiza ari igikorwa kigomba kwitabwaho n’inzego zose ari nayo mpamvu babazaniye inkunga nubwo bazi neza ko idashobora kurangiza ibibazo byose bafite nk’uko umuyobozi wa World Vision George GITAU yabivuze.

“ Imana irahari kandi ishobora byose, amarorerwa yabaye mu  Rwanda ntazongera kubaho, aya mahirwe ashobora guhindura amateka y’ejo hazaza”.

Guverineri w’intara y’amajyaruguru Bosenibamwe Aime yasabye ko abarokotse Jenoside kugira icyizere cy’ejo hazaza ndetse bagahangana n’ibibazo bibugarije na leta ikazabafasha birushaho gushakirwa ibisubizo.

Ati “abanyarwanda bagomba gukomeza kwimakaza urukundo birinda amacakubiri kuko u Rwanda rutanga icyizere cyo kubaho neza bakomera ku ntwaro ikomeye yo gutsinda ikibi ariyo y’ubumwe n’ubwiyunge”.

Yagaragarije ko kwigira ari inshingano za buri munyarwanda aho guteganya ko amahanga yakemura ibibazo  bafite ahubwo icyizere cyo kwishakamo ibisubizo bakakishakamo.

The post Mutete: World Vision yateye inkunga abarokotse Jenoside batishoboye appeared first on The Pleader.

Abakorerabushake bo muri Koreya y’Amajyepfo bakorera umuryango KOICA, (Korea International Agency), batuye muri imwe mu midugudu y’akarere ka Kamonyi, barashimwa iterambere bamaze gufasha abaturage kugeraho, kuko babigisha uburyo bwo gukora baharanira inyungu.

Umudugudu wa Kigarama wo mu murenge wa Rugarika, ni umwe mu midugudu yo mu karere ka Kamonyi ituwemo n’abakorerabushake batanu b’abanyakoreya y’amajyepfo baje gufatanya n’ubuyobozi kwerekera abaturage uburyo bwo kugera ku iterambere.

Kuva mu mwaka wa 2009, aba  banyakoreya baje gutura Kigarama, bigishije abaturage imishinga ishobora kubabyarira inyungu. Jais-Ho, Park uzwi ku izina rya Thomas akaba akuriye itsinda ry’abakorerabushake batuye Kigarama, bigishije abaturage, ubuhinzi bw’ibihumyo, ubudozi no gukora ibihumyo, gukora iziko rya Rondereza n’ibindi.

Bamwe mu bagore  bize umushinga w’ubudozi, ubu bakaba bibumbiye muri Koperative idoda imyenda ikanakora ibitege ; barishimira ibyo bamaze kugeraho babikesha inkunga n’ubufatanye bw’abo bakorerabushake.

Musengimana Flavia, ukuriye itsinda ry’abadozi, uvuga ko bamaze umwaka wa 2011 biga kudoda ari abagore 35 batuye Kigarama. Abanyakoreya ngo babafashije kubona ibikoresho no kubashakira abarimu, barangije kwiga babaha imashini n’inzu yo gukoreramo none bamaze gutera imbere.

Aba bagore batangaza ko abo bakorerabushake badahwema kubaba hafi mu kazi bakora, kuko babagira inama. Akazi k’ubudozi kabafashije kwinjiza amafaranga mu ngo za bo ; ngo nko mu kwezi buri wese abasha kwinjiza byibura amafaranga ibihumbi 45 (45.000frw).

Umunyamabanga Nshingwabikorwa w’umurenge wa Rugarika, Rukimbira Emmanuel atangaza ko abo bakorera bushake baje kunganira ubuyobozi muri gahunda z’iterambere ry’uwo muudugudu usanzwe ari umwe mu y’icyitegererezo mu karere, maze bakabafasha guhindura imyumvire y’abaturage kuko babatoza kugera ku iterambere babikuye mu maboko ya bo.

Aragira ati « abakorerabushake b’abanyakoreya bigishije abaturage kumenya kwiteza imbere bakoresheje imbaraga za bo, bakamenya kubahiriza igihe, wenda ibikeneye amafaranga bakayahabwa ariko babanje gukoresha amaboko ya bo ».

Uretse uyu mudugudu wa Kigarama, abakorerabushake b’abanyakoreya batuye mu yindi midugudu ibiri yo mu karere ka Kamonyi, ariyo : Gihogwe ho mu murenge wa Musambira na Mushimba ho muri Gacurabwenge. Bahakorera imishinga ijyanye n’iby’abaturage bakeneye nk’ubuhinzi, amashuri,  Ivuriro n’ibindi.

The post Kamonyi : Abatuye Kigarama bishimiye iterambere bamaze kugeraho ku bufatanye n’abanyakoreya baje kuhatura appeared first on The Pleader.

Dr Bernard Nzigiye perezida w’umuryango wa Croix Rouge y’u Rwanda ku rwego rw’igihugu mu rugendo yagiriye mu murenge wa Kibilizi tariki 11/05/2013, aje gutangiza uwo mushinga yasobanuye ko ugamije guha amazi meza abaturage batuye mu bice by’amayaga.

Mu murenge wa Kibilizi mu karere ka Nyanza ayo mazi meza azagezwa ku baturage basaga ibihumbi bine nk’uko umuyobozi wa Croix Rouge y’u Rwanda yakomeje abisobanura muri uwo muhango.

Agira ati: “Hari abaturage banywaga amazi mabi akabagiraho ingaruka zirimo kubakururira uburwayi buterwa n’umwanda ndetse n’abana bakajya ku ishuli bakererewe kubera kubyuka bajya kuvoma kugira ngo iwabo babone ayo batekesha ibiryo barya bavuye kwiga.

Usibye ibikorwa byo kugeza amazi meza ku baturage bo mu karere ka Nyanza hari nabo umuryango wa Croix Rouge y’u Rwanda yubakiye amacumbi yo kubamo ndetse banorozwa amatungo magufi kugira babashwe kwihuta mu iterambere nk’uko bitangazwa na bamwe mu bayabonye.

Kayigambire Théophile umunyamabanga Nshingwabikorwa w’umurenge wa Kibilizi kimwe na Kayijuka John wari umushyitsi mukruru muri uwo muhango ariko ubusanzwe akaba ari umunyamabanga Nshigwabikorwa w’Akarere ka Nyanza batanze impanuro kuri abo baturage basabwa gufata neza ibyo bikorwa bahawe na Croix Rouge y’u Rwanda.

Umunnyamabanga Nshingwabikorwa w’akarere ka Nyanza yakomeje avuga ko abaturage bo mu Mayaga bari bakomerewe no kubona amazi meza bakoresha mu buzima bwabo bwa buri munsi ngo bavomaga ibirohwa bikabatera indwara ziterwa n’isuku nke.

Yabasabye gufata neza ibyo bikorwa remezo by’amazi meza, amacumbi n’amatungo magufi bahawe na Croix Rouge y’u Rwanda

Mu buhamya bw’abo baturage bagaragaje ko ibyo Crouge y’u Rwanda yabafashije kugeraho nabo ubwaho basanga bikwiye gukomeza gufatwa neza ngo kuko ntibakwishimira kongera kuvoma amazi mabi mu bishanga kandi bari bifitiye amazi meza atari agize icyo abatwaye.

Basezeranyije ubuyobozi bw’akarere ka Nyanza batuyemo ndetse n’ubwa Croix Rouge y’u Rwanda ko bazakomeza kubungabunga ibyo bikorwa remezo byose bakabirinda kwangirika biyumvisha ko aribo ba mbere  bifitiye akamaro.

Umuyoboro w’amazi meza ugiye kwegerezwa abaturage bo mu murenge wa Kibilizi mu karere ka Nyanza uzatangwaho akayabo ka miliyoni zisaga 70 z’amafaranga y’u Rwanda nk’uko Dr Bernard Nzigiye Perezida wa Croix Rouge y’u Rwanda abitangaza.

The post Nyanza: Croix Rouge y’u Rwanda yongeye kugeza ku baturage amazi meza appeared first on The Pleader.

Amatsinda y’ubuzima mu midugudu igize akarere ka Nyamagabe (Care group) yashyizweho n’umushinga World Relief ukanayakurikirana ari gutanga umusaruro ushimishije mu guhangana n’ikibazo cy’imirire mibi yajyaga ikunda kugaragara mu bana, yigisha ababyeyi gutegura indyo yuzuye.
Aya matsinda agizwe n’abajyanama b’ubuzima hakiyongeraho n’abandi bagize komite nyobozi y’umudugudu ndetse n’abahagarariye amadini ngo bahabwa amahugurwa ku buryo bwo gutegura indyo yuzuye, ubundi bakagabana ingo zigize umudugudu buri wese akagira izo akurikirana, kandi kuva aho batangiriye kwigisha imirire mibi mu bana ngo iri kugenda igabanuka nk’uko batanga ubuhamya.
“Aho nkorera, mbere kurwanya imirire mibi bitaratangira hari harimo abana bagera kuri 20 bafite indwara z’imirire mibi. Ariko uko inyigisho zagiye zitambuka hatangwa amahugurwa mu ngo, n’amagaburo agenda akorwa mu ngo twerekera abantu, dusigaranye abana bane nabo turimo dukurikirana,” Kamparaza Dativa wo mu murenge wa Kibirizi.
Kwizera Maurice, ushinzwe ibikorwa muri World Relief avuga ko ikibazo cy’imirire mibi ari ikibazo rusange ndetse cyanahagurukiwe n’inzego z’ubuzima zitandukanye, akaba ariyo mpamvu yazanye ubu buryo bwo kwigisha imirire iboneye ku rwego rw’imidugudu ndetse banerekerwa, ngo babashe gusobanurira abaturage uko baboneza imirire.
Ati: “Twahisemo kuzana ubu buryo kugira ngo haboneke ukuntu mu rwego rwo hasi ku midugudu abantu bigishwa ibijyanye n’imirire myiza cyane cyane ku bana n’abagore batwite, ariko kandi izo nyigisho ze kuba amagambo gusa ahubwo dushyiremo n’uburyo bwo kuberekera bakiga bashyira mu bikorwa uburyo bwo gutegura amagaburo yuzuye”.
Yakomeje atangaza ko hakwiye kwibandwa ku bana bari munsi y’imyaka ibiri kuko ariho umwana afata nk’umusingi w’ubuzima bwe muri rusange.
Kwizera atangaza ko n’ubwo hari ikibazo cy’imiryango ishobora kuba ikennye bikaba byatuma abana bahura n’ikibazo cy’imirire mibi, ariko ngo ikibazo gikomeye cyane kiba imyumvire ndetse n’ubumenyi buke bwo gutegura amafunguro aboneye bifashishije ibyo bahinga iwabo n’ubushobozi buke baba bafite, bakaba aribyo bashaka gushyira mu baturage.
N’ubwo abantu 5114 bagize aya matsinda y’ubuzima 536 mu karere kose bakorera ubushake muri izi gahunda bafatanyamo na World relief, kuri uyu wa kabiri abakorera mu mirenge itatu ariyo Kibirizi, Gasaka na Cyanika bahawe ishimwe ry’isuka n’ibasi bizabafasha mu kunoza isuku no guhinga ibihingwa bitandukanye, nk’ikimenyetso cy’uko World relief ibazirikana mu kazi gakomeye bafatanyamo, n’abakorera mu yindi mirenge bakaba bazagerwaho.

The post Nyamagabe: Amatsinda y’ubuzima ari gutanga umusaruro mu guca ibibazo by’imirire mibi mu bana. appeared first on The Pleader.