Rwanda | Ngoma: Mufti w’u Rwanda arasaba ko abanyamadini bakunga ubumwe

Mufti w’urwanda shehe Abdul Kalimu Gahutu ubwo yatangaga ikiganiro kirambuye kuri Radio izuba yasabye ko abanyamadini bunga ubumwe  kuko ntakibatandukanya nk’abanyarwanda.

Mufti w’u Rwanda Shehe Abdul Karim Gahutu yatanze ikiganiro cyacaga kuri radiyo izuba ivugira muntara y’ iburasirazuba mu karere ka Ngoma  kuri uyu wa 09/12/2012.

Mu ruzinduko yagiriye mu Karere ka Ngoma  Mufti w’u Rwanda Shehe  Abdul Kalim Gahutu yasuye Radio Izuba, maze mu kiganiro kirambuye gikubiyemo ubutumwa yagejeje kubari bakurikiye Radio Izuba yasabye abanyarwanda bose ko buri muntu yari akwiye kunga ubumwe na mugenzi we atitaye ku idini asengeramo.

Yagize ati” Buri wese wese azaryozwa ibyo yakoze imbere y’imana kuko Imana idakunda rwaserera.”

Mufti w’u Rwanda yashimiye by’umwihariko abatuye  Intara y’Iburasirazuba intambwe bamaze kugeraho  babikesha Radio Izuba anaboneraho kuyishimira  uruhare yahaye abanyamadini mu gutambutsa ubutumwa bakoresheje iyi Radiyo.

Umuyobozi w’idini ya Islam mu Rwanda avuze ibi mugihe hari aho usanga ubwumvikane buke  hagati y’ abakiristu n’ abayisilamu ndetse uku kutumvikana kukavamo ubwicanyi nkuko bigaragara muri bimwe mu bihugu byo ku isi.

Tags Rwanda Rwanda churches Rwanda contribution Rwanda leaders Rwanda Muslims Rwanda Ngoma Rwanda radio izuba Rwanda unity